Kerber hnehin Azarenka-i'n final lut

Ningani zan khan Miami Open semifinal khelh a ni a, Victoria Azarenka chuan Australian Open champion Angelique Kerber hnehin final a lut. Semifinal lehlamah Svetlana Kuznetsova chuan Timea Bacsinszky lak-ah hnehna a chang ve bawk.

January thla a khelh zawh tak Australian Open quarterfinal-ah khan Ker-ber hian Azarenka hi a lo hneh tawh a, tun ṭum-ah erawh seeded 13-na Azarenka hian darkar khat leh a chanve chhungin 6-2, 7-5 in phuba a la let a ni.

German star Kerber vawi riat a hmachhawn tawha ṭum sarih hnehna changtu Azarenka chuan, "Kerber hi chuan in^-rintawkna a neih san bakah tharum a ngah avangin inkhelhpui a hautak ṭhin hle. Fi-nal-a ka hmachhawn tur Kuznetsova pawh hi player ṭha bik a nih avang-in ka theihtawp ka chhuah a ngaih leh dawn bakah vanneih tel a ṭul ang," tiin Miami Open vawi hnih champion tawh chuan a sawi.

Inkhel dangah Grand Slam vawi hnih 2004 US Open leh 2009 French Open champion tawh Kuznetsova chuan seeded 19-na Bacsinszky chu 7-5, 6-3 in a hneh. January thla khan Kuznetsova hian Sydney-ah WTA tilte a lo la tawh a, tun ṭum hi final vawi 38 a luhna chiah a ni bawk.

Kum 30-a upa Kuznet-sova chuan, "Inkhel hautak takah pawh ṭha takin ka la khel chhuak thei tih ka lantir a. Ka tan chuan chona harsa tak tak hmachhawn hi a nuam. Hnehna ka chan avangin ka lawm a, ka ṭawngṭai-na chhanin a awm," tiin a sawi.