Kum 40 thleng Buffon

Khawvela goal-keeper ropui ber pawl Gianluigi Buffon chuan kum 40-a upa a nih thleng inkhelh a duh thu a sawi.

Italy leh Juventus cap-tain hian Serie A title vawi ruk a chawi tawh a, World Champion hial pawh a ni tawh. Tunah kum 38-a upa ni tawh mah se ram leh club tan first choice a la ni pha reng a ni.

A hma hun sawiin Buffon chuan, "Tuna ka hlawh let hlawh tura min sawm a nih pawhin Juve hi ka chhuahsan lo ang. He club tana khelh theih hi a hlu a, chawimawina pakhat a ni," tiin Juve tana a rinawm thu a sawi.

Buffon chuan sawi chhunzawmin, "Kum 40 thleng chu inkhelh ka duh a, mahse hemi hnuah chuan chawlh a hun tawh ang. Tawnhriat ngah tawh viau mah ila coaching lamah erawh luh ka tum lem lo," tiin a sawi.