Lin Dan leh Lee Chong chak lo

Yonex India Open khelh mekah Ningani khan beisei loh result kan hmu a, Olympic cham-pion Lin Dan leh world number 1 hlui Lee Chong Wei te chu pre-quarterfinal-ah an tla ve ve.

Siri Fort Indoor Sta-dium-a inkhelah Chinese shuttler Lin Dan hi 13-21, 20-22 in Korean shuttler Son Won Ho lakah a chak lo. Lee Chong Wei pawh Wei Nan lakah 21-19, 21-19 in a tlawm bawk a ni.

Hmeichhe lamah Indian Shuttler Saina Nehwal leh PV Sindhu te erawhin harsatna nei loin quarterfinal an inhlangkai thung.

World number 5 Saina chuan Nitchaon Jindapol lakah a chungnun zia a lan tir a, minute 42 chhungin 21-19, 21-14 in hnehna a chang. Inkhel dangah Sindhu pawh in Thai nula Busanan Ongbumrungphan lakah minute 76 chhungin 17-21, 21-19, 21-16 in hnehna a lo chang ve bawk.