Dhoni a la chawl dawn lo

Kum 34-a upa Dhoni-a'n tun hnaiah ngai a awh lo nia sawi a ni a, a kum a tam ve tawh avangin India captain hian cricket a chawlhsan dawn hnai nia sawi thawm a ring hle.

Mahni khelmualah ngei West Indies hneh loin India-in World Twenty20 final an lut zo lo a, cricket-ah chuan coach thutlukna aiin captain thutlukna a pawimawh zawk nia ngaih a ni a, final-a India hruai thleng thei lotu captain hi inkhelh banah a hmalam hun zawh a ni.

Press conference-naa journalist pakhat chuan, "I tan chawlh a hun tawh niin i ngai em?" tiin Dhoni hi a zawt a, hun harsaah pawh a chi ai ve ngai loh avanga 'Captain Cool' tia an koh hian, "Kum 2019 World Cup thleng ka daih i ring em?" tiin a zawt let.

Journalist hian "Ring e" tia a chhan hnuah Dhoni chuan, "A chhanna chu nangman i nei reng alawm," tiin a chhang let a, India captain hian kum 2019 World Cup la khelh thlen ngei a tum niin a lang.