Inter Dist Jr Football a hmuhnawm

Nimin khan PMJVK Inter District Junior Football Tournament khelh zawh a ni a, match tin an intluktawk hle. Inelna thlengtu Aizawl DFA bakah Kolasib DFA, Champhai DFA leh Saitual DFA ten semifinal an lut.

Aizawl DFA chauhin hun pangngaiah hnehna an chang a, anni pawhin Siaha DFA 3-2 in an hneh hram. Aizawl DFA winger Lalvohbika'n goal a khung a, match zawnin man of the match-ah thlan a ni.

Khawzawl DFA-in Kolasib DFA lakah inkhel an thunun a, goal khung hmasa mah se penalty an chawi a, penalty shootout hmangin an chak lo zui. Saitualin goal khung hmasa mah se an hum zo lo a, penalty shootout-ah Mamit an vannei ta zawk.

Inkhel hmuhnawm tura rin Champhai DFA leh Lawngtlai DFA te inkhel pawh beisei ang ngeiin a hmuhnawm a, hun pangngaiah 1-1 in an inhnehtawk. Champhaiin penalty shootout hmangin champion lai Lawngtlai an pet tla.