Khelo India Hockey-ah Mizoram an chak

Khelo India Youth Games 2023 hmeichhe hockey inelnaah Mizoram chuan nimin zing khan inelna thlengtu Tamil Nadu chu 7-0 in an sawp a, semifinal beiseina an chhi nung. Mizoram hian January 24, Nilaini zing dar 8:45-ah Chattisgarh an hmachhawn leh ang a, hnehna an chang a nih chuan semifinal an lut ang.

Mayor Radhakrishnan Stadium, Chennai-a inkhelah Mizoram tan F. Lalbiaksiami'n goal hnih a khung bakah Lalthantluangi, Vanlalhriatpuii, Lalrinpuii, Vanlalrinhlui leh Laltlanchhungi ten goal khat ṭheuh an khung.

Inkhel dangah Madhya Pradesh-in Chattisgarh 1-0 a hnehin semifinal an lut a, Chattisgarh hian team ṭha ber laka goal khat chauh an chhuah avangin semifinal lut turin Mizoram laka point khat hmuh a tawk thung ang.

Mizoram team hi SYS coach Lalroṭhuami (coach) leh R. Lalnunmawii (manager) ten an hruai a, player tam zawk hi Hockey Training Centre, Thenzawla zirlaite an ni.