Italian player ropui Cesare Maldini a thi

AC Milan leh Italy tana khel ṭhin, inkhelh a chawlh-san hnu pawha Milan leh Italy manager ni chhunzawm thei Cesare Mal-dini chu nimin khan kum 84-a upa niin a thi.

Italian defender ropui Paolo Maldini pa Cesare hian player a nih laiin Milan tan season 12 chhung a khel a, Italian club tan hian Serie A nomawi pali a chawi bakah kum 1963 khan an European Cup hmasa ber a chawi pui a, kum 1972-1974 a Milan manager a nih hnuah European Cup Winners' Cup leh Coppa Italia a chawipui bawk.

Cesare hian Italy Un-der-21 team chu UEFA European Under-21 Football Championship-a vawi thum a champion pui hnuah kum 1996 khan Italy senior team a enkawl ṭan a, Italy a enkawl lai hian a fapa Paolo Maldini chu captain niin 1998 World Cup France-ah khan quarterfinal thlenpuiin inelna thlengtu leh champion ni zui ta France lakah penalty-in an tlawm a ni.

AC Milan chuan an coach thlahna thu hi twitter-ah tar chhuakin, "Cesare mangṭha le. Vawiinah hian khawvel chuan pa ropui tak a chan a, kan club chanchin ziahna phek pakhat chu pawh thlakin a awm a ni," tiin an club legend hi an thlah.