Miami Open champion Azarenka

Victoria Azarenka chuan Svetlana Kuznet-sova hnehin a vawi thum nan Miami Open champion nomawi a chawi. Hliam vanga kum 2014 leh 2015 a beisei a phak loh hnuah hlawhtlinna a chang ve leh a ni.

Inrinni zana inkhelah Azarenka hian minute 77 chhungin 6-3, 6-2 in hnehna a chang a, he hmunah vek hian kum 2009 leh 2011 khan hlawhtlinna a lo chang tawh bawk.

World number 1 hlui Azarenka hi tun din-hmun-ah number 8 a ni a, tunkara WTA ranking chhuak tharah chuan a sang panga zingah a inhlangkai thei dawn a ni. Azarenka hi Steffi Graf leh Kim Clijsters te tih lohah chuan Indian Wells-Miami champion nomawi vawi thum chawi thei a ni nghe nghe.

Chak lo zawk Kuz-netsova hian January thla khan Sydney-ah hlawh-tlinna a lo chang tawh a, kumina a title pahnihna beisei mah se a hlawhtling zo ta lo thung.

Australian Open-ah pawh vawi hnih lo cham-pion tawh Azarenka chuan, "Ka khel ṭha hle chuan ka hria, tunah chuan hmalam hun ngaihtuah thui thei ka la ni lo a, ka hun tawn zel ka ngaihtuah hmasak a ngai. Miami hi nuam ka ti a, kum dangah pawh inlan leh theih ngei ka beisei," tiin a sawi.