Player of the tournament Virat Kohli

World Twenty20 khelh zawh taka player of the tournament chu tu dang niloin India innghahna Virat Kohli a ni. India-in semifinal lut zo lo mah se Kohli erawh a che ṭha takzet a, semifinal-a India hruai thlengtu a ni.

Kum 27-a upa bats-man hian vawi nga inkhel a hmachhawnah run 273 a vaw chhuak a, heti zat run siam tur hian half-century vawi thum a vaw chhuak. Delhi tlangval hian match nga a khelhah vawi 29 four run a vaw chhuak a, six run vawi nga a vaw chhuak bawk.

Indian Premier League-a Royal Chal-lengers Bangalore captain hian New Zealand an hmachhawn ṭumin run 23 nen lek inelna bul ṭan mah se a match hnihnaah erawh Pakistan lakah ball 37 hmachhawnin run 55 a vaw chhuak a, Kohli-a inlar ṭan.

Bangladesh laka run 24 a siam hnuin Sachin Tendulkar nen meuh pawha khaikhin hlawh batsman hian Australia lakah run 82 siama a tawp thleng damin semifinal-ah India a hruai kai a, semifinal-a Windies nen an inhmachhawnna inkhelah run 89 lai siam leh mah se Indian bowler-te an chet chhiat avangin final-ah erawh India a hruai thleng zo lo.