Argentina-ah Marquez a vul

Pathianni khan tun seaon-a MotoGP in-tlansiak vawi hnihna ni turin Argentina Grand Prix tlan a ni a, inelna hau-tak takah Marc Marquez-a'n hnehna a chang.

Argentina-ah hian qualifying-ah Scott Red-ding-a tyre a chian-kuan loh avangin Michelin-in tyre thlak an tum a, mahse intlansiak chu lap 25 tlan tur aṭangin lap 20-ah tih tlem a ni ta zawk. Ryder-te chu an him zawk nan inelna neih laklawh laia bike thlak mai tura tih an ni bawk.

Ducati rider pahnih Andrea Lannone leh An-drea Dovizioso te lap hnuhnung berah an chetsual avangin Valentino Rossi chuan pahnihna dinhmun a luah phak a, hetih lai hian a team-mate leh world champion nilai Jorge Lorenzo erawh lap nga an tlan hman chauh tihah a chetsual avangin intlansiak a tlan tluan ve thei lo. Honda rider Dani Pedrosaa-a'n pathumna dinhmun a luah bawk a ni.

Pole position aṭanga bulṭan chunga hnehna chang zui ta kum 23-a upa Marquez chuan, "Honda thawhrim rah kan hmu a, mimal hnehna chan ni ngawt loin kan team pumpui ani. Tun season-a hnehna kan chan hmasa ber a ni a, he hmunah bik hian tunhmain hlawhtlinna lo chang tawh mah ila tun ṭum chu intlansiak a hautak avangin a lawm-awm zual," tiin a sawi.

Tun season-a in-tlan-siak pathumna atan Grand Prix of the Americas chu April 11 khian neih a ni ang.