Women's World Twenty20 2016 Australia hnehin West Indies an champion

Mipa World Twen-ty20-ah West Indies mipa an champion a, hmeichhe lamah pawh West Indies nulate an duai bik lo. Final-a Australia hnehin an ram chanchina a vawi khat nan hmeichhe cricket World T20-ah an champion.

A zawna a vawi li nana cham-pion nih tum Australia-in bat hmasak zawk an thlang a, over 20-ah run 148 siamin mi panga an hloh. Australia tan Elyse Villani chuan World Cup-a half century siam thei hmasa ber ni turin run 52 a vaw chhuak a, captain Meg Lanning chuan run 52 tho siamin Villani hnung a zui ve nghal.

West Indies bat hun a thleng a, kum 18-a upa opener Hayley Matthews chuan ball 45-ah run 66 ngawt vaw chhuakin a team tan a thawhhlawk takzet a, run 59 siamtu captain Stafanie Taylor chuan a pui ṭha hle bawk.

Windies-in over 19.3-ah run 149 vaw chhuaka mi pahnih chiah hlohin an target an khum a, Eden Gardens-ah champion nomawi an chawi ta a ni.