Hamilton hnehin Rosberg pakhatna

Formula1 inelnaah season hmasa khan Mer-cedes team chuan tuma elphak rual lohin roreltu dinhmun an luah a, tun season-ah Grand Prix vawi hnih tlan tawh niin an driver pakhat zawk Nico Rosberg chuan hnehna a la chang ve ve a ni.

Pathiannia Bahrain Grand Prix tlan zawh takah khan Rosberg chu pakhatna a ni a, Ferrari driver Kimi Raikkonen chu pahnihna niin world champion nilai Lewis Hamilton erawh pathumna a ni thung.

Mercedes driver Ha-mil-ton-a'n pole position aṭangin bulṭan mah se intlansiak tirah a che fuh lo a, kawng kawi hma-sa berah Williams driver Valtteri Bottas nen inbakkaih palhin lap khatnaah pasarihnaah a hnufual nghal.

German driver Ros-berg hian F1 car a khalh hnuah vawi 16 hnehna a channa chiah a ni a, Mercedes legend Stirling Moss record a nihrual chiah a ni. Season hma-sa tawp lam nen belh-khawmin a zawnin vawi nga hnehna a chang tawh.

Kum 30-a upa Ros-berg hian tun season intlansiak pahnih neih tawh aṭangin point 50 hmuin hmahruaitu a ni a, pahnihnaah point 33 hmutu Hamilton awmin Red Bull driver Daniel Ricciardo (24) chu pa-thumna a ni mek thung.