United tan Martial

Manchester United rawlthar Marcus Rash-ford leh Timothy Fosu-Mensah te thawhrah sengin Anthony Martial chuan minute 54-naah goal pawimawh a khung a, Everton 1-0 in an hneh.

Pathianni zan hian Old Trafford-a mipui ṭhut-na South Stand chu Sir Bobby Charlton hming chawiin thlak a ni. United legend hian Red Devils tana a match hmasa ber a khelh aṭanga kum 60-naah Everton an hneh lai chu amah ṭawiawmtu a nupui Norma nena an thlir bawk.

Inkhel pumpui thlirin United-in chak an phu bik lo a, Everton striker Romelu Lukaku dah-
ṭhatu Red Devils defender Daley Blind a fakawm. Toffees defender Phil Jagielka chuan chiang takin crossbar a tauh per bakah English defender ball pet hi David De Gea-a'n a dan sak bawk.

Everton-in point hmuh phu mah se a tawp-ah erawh Martial chu team pahnih danglamna a ni. French rawlthar hian United tana Old Trafford-a Premier League goal 1000-na a khung a, goal hmasa ber khungtu chu Denis Irwin niin August 1992 khan Ipswich Town nen 1-1 a an inhnehtawk
ṭumin a pet goal.

Manchester United hi Premier League history-a mahni muala goal 1000 khung tling hmasa ber an ni. United manager Louis van Gaal chuan, "Everton hi hneh lo ilang chuan Manchester City kan hneh khan awmzia a awm lo ang. Tunah chuan Champions League khelh beiseina kan nei chhunzawm zel a ni," tiin a sawi.