Rebecca-i'n bronze a hnek chhuak

Khelo India Youth Games-ah Rebecca Lalfakawmi'n boxing inelnaah bronze medal a la. Nimin khan 57 kg (girls) semifinal-ah Rebecca hian Madhya Pradesh boxer Khushi Singh a hmachhawn a, a vanduai zawkah a ṭang.

Mizoram hian boxing-ah boxer pali an tir thei a, Chuhvel tleirawl Rebecca chauhin medal a hnek chhuak a, tun inelnaa Mizoram medal hmasa ber a ni bawk.

Nikum khan Rebecca hian Bhopal-a neih Youth National Boxing Championship-ah quarterfinal a lut a, hmabak êng tak a nei. An khua Chuhvel hi Mamit district huam chhunga awm niin 2011 census aṭanga a lan dan chuan mi 646 chauh an cheng a, khaw te ve tak ni mah se kumin inelnah medal an hlawh chhuak!