Vawiinah Mizoram fiahna

Khelo India Youth Games 2023 hmeichhe hockey inelnaah tukin zing dar 8:45 hian Mizoram leh Chattisgarh te an inkhel dawn. Mizoram hian hnehna an chang a nih chuan semifinal an lut dawn a, an group aṭang hian Madhya Pradesh-in knockout stage hi an lut tawh.

Mizoram hian match hmasa berah Madhya Pradesh 4-2 in hneh lo mah se Tamil Nadu 7-0 a an sawp avangin beseina an nei thar a, Chattisgarh pawh hi hneh thei turin an ṭha tawk. Player pathum Lalthantluangi, F. Lalbiaksiami leh Lalrinpuii te chu Bangalore-a India Junior Core group a training lai mek an ni a, R. Lalneihpuii pawh Delhi NCOE a awm lai niin Mumbai NCOE-a inzirlai Z. Laldintluangi an kawl bawk.

Mizoram team hi SYS coach Lalroṭhuami (coach) leh R. Lalnunmawii (manager) ten an hruai a, player tam zawk hi Hockey Training Centre, Thenzawla zirlaite an ni.