Damchhung atan an hrem!

Udinese ṭantu pakhat chu AC Milan goalkeeper Mike Maignan a auh nawmnah avangin damchhung atan hrem a ni a, a thil tih avang hian a dam chhungin Udinese inkhel a en ve thei dawn tawh lo.

Kar tawp Serie A inkhelah Udinese fan pakhat hian Maignan hi zawng hram danin a hram khum a, hetiang thil thleng hi Milan keeper hian referee a hrilh hnuah khelmual a chhuahsan.

Maigana-a'n khelmual a chhuahsan hi a teammate ten an zui a, inkhel hi tihtawp lailawk a ni. Minute 10 hnuah inkhel hi chhunzawm leh mah se, thil sual titu hi chhui zuiin an man ta a ni.

Udinese chuan thuchhuah siamin, "Tuna hremna chhuak hian football huangah chi inthliarnain hmun a chang lo tih a fiahna a ni a, kan khelmual chhung hi mitin lenna hmun a ni.

"Mi chi hrang hrang, chin dan inang lo leh khawsak phung inang lo, ṭawng hrang hrang hmangte kan leng vek a, he hmunah hian engthawl leh zalen takin hun an hmang thei tur a ni," tiin a sawi.