Paris-ah Manchester City zin dawn

Manchester City-in League Cup nomawi chawi tawh mah se season tawp ruala an manager kal chhuak tur Manuel Pellegrini thlah nan title dang an la duh belh. FA Cup-ah an tla tawh a, Premier League-ah beisei an neih meuh tawh loh avangin an beisei awmchhun chu Cham­pions League chiah a ni tawh.

Zanin dar 12:15 hian French Ligue 1 champion Paris Saint-Germain chuan Champions League quarterfinal first leg khel turin Manchester City chu Parc des Princes-ah an lo mikhual dawn. Team pahnih hian Europe-ah tawn hriat la ngah lo mah se player langsar awmkhawmna an nih avangin inkhel hmuhnawm a ni ang.

Goal khung thiam

Kartawp league match-ah Man City hian Bournemouth chu 4-0 in an sawp a, goal khung an harsat lo tih a chiang. Tun season legaue match 31 khelh tawh aṭanga goal 56 khung tawhin Premier League-ah anni aia khung hnem chu Tottenham (57) chiah an ni.

An khingpui tur PSG lam pawh an nep bik lo hle, an match hnuhnung berah striker Zlatan Ibrahimovic hat-trick hmangin Nice chu 4-1 in an sawp ve tho. Ligue 1 champion nomawi chawi tawhin league-ah goal 81 zet an khung tawh a, anmahni hnaih bertu Lyon chuan goal 52 chauh an la khung thung.

Dai ngai loh ramah

Team pahnihte hi European competi­tion-ah vawi khat chiah an la inhmachhawn a, kum 2008-09 UEFA Cup group stage kha niin England-ah 0-0 in an inhnehtawk.

Manchester City-in an club chanchina a vawi khat nan quar­terfinal an inhlangkai a, last 16 paltlang turin Dynamo Kiev chu khualmualah 3-1 in an hneh a, Etihad Stadium-ah goal awmloin inhnehtawk pui mah se an tlang chiang tho.

European Cup tih ṭhin chu kum 1992 khan Champions League tia thlak a ni a, hemi hnuah hian English club pasarihin quarterfinal an lut tawh. City hma hian Arsenal, Tottenham, Leeds United, Liver­pool, Manchester United leh Chelsea-ten English club zingah quarterfinal an lo lut tawh a ni.

PSG hian last 16-ah Premier League champion Chelsea chu 4-2 in an hneh. Tun dinhmunah Blues hi league table-ah 10-naah an awm phak ṭawk avangin kum 2003 a Roman Abramovich-a'n a lei hnua a vawi khat nan season tharah chuan Champions League an khel dawn lo.

Kum 2011-a Qatar Sports Investments-in PSG neitu nih­na an neih pumhlum hnuah semi­final an la lut bik lo a, Laurent Blanc-a nauten dai ngai loh ram dai turin hun ṭha an nei.

Hart a dam

Manchester City keeper Joe Hart chuan nimin zing khan training a zawm tawh a, England keeper hian Manchester United an hneh loh ṭuma a chawnah hliam a tawrh avangin kartawpa Bournemouth an hneh ṭumin a inlan lo. City hian Champions League khel tur zingah senior player Richard Wright an ziah telh loh avangin kum 20-a upa Angus Gunn chu squad a tel tura ngaih a ni hman a, chuvangin Hart-a dam hi City tan result lawmawm a ni.

City midfielder Yaya Toure chu a khup hliam vangin training ṭantirh minute 15 chhung chu a inlan lo a, Ivory Coast mid­fiel­der dinhmun a chiang lo. Captain Vincent Kompany (chawn) leh Raheem Sterling
(ṭhal) te an la inlan thei dawn lo a, Fabian Delph erawh chhawr theih zingah a awm ang.

Chile manager Pellegrini hian tlar­hnungah kum 2014 August thlaa pound mak­taduai 42 zeta an lakluh Eliaquim Mangala a chhawrin a rinawm. Kevin De Bruyne leh Samir Nasri te an dam tawh thung a, anni pahnih hi an match hnuhnung berah pawh an inlan leh thei tawh a ni.

Hetihlai hian PSG pawhin wing back Serge Aurier chu hrem vangin an chhawr thei dawn lo a, Marco Veratti leh Javier Pastore an dam ṭan tawh a, Blaise Matuidi pawh a inlan theih beisei a ni.

Tute nge inlan ang?

French manager Blanc-a'n Chelsea an hneh ṭuma stating eleven ngai a hman rin a ni a, Trapp – Maxwell, David Luiz, Thiago Silva, Marquinhos – Matuidi, Motta, Rabiot – Di Maria, Cavani, Ibrahimovic te inlan tura ngaih a ni.

City tan hian Hart – Zabaleta, Otamendi, Mangala, Clichy – Toure, Fernandinho – David Silva, De Bruyne, Navas – Aguero te an inlanin a rinawm bawk.

Manchester City-in League Cup nomawi chawi tawh mah se season tawp ruala an manager kal chhuak tur Manuel Pellegrini thlah nan title dang an la duh belh. FA Cup-ah an tla tawh a, Premier League-ah beisei an neih meuh tawh loh avangin an beisei awmchhun chu Cham­pions League chiah a ni tawh.

Zanin dar 12:15 hian French Ligue 1 champion Paris Saint-Germain chuan Champions League quarterfinal first leg khel turin Manchester City chu Parc des Princes-ah an lo mikhual dawn. Team pahnih hian Europe-ah tawn hriat la ngah lo mah se player langsar awmkhawmna an nih avangin inkhel hmuhnawm a ni ang.

Goal khung thiam

Kartawp league match-ah Man City hian Bournemouth chu 4-0 in an sawp a, goal khung an harsat lo tih a chiang. Tun season legaue match 31 khelh tawh aṭanga goal 56 khung tawhin Premier League-ah anni aia khung hnem chu Tottenham (57) chiah an ni.

An khingpui tur PSG lam pawh an nep bik lo hle, an match hnuhnung berah striker Zlatan Ibrahimovic hat-trick hmangin Nice chu 4-1 in an sawp ve tho. Ligue 1 champion nomawi chawi tawhin league-ah goal 81 zet an khung tawh a, anmahni hnaih bertu Lyon chuan goal 52 chauh an la khung thung.

Dai ngai loh ramah

Team pahnihte hi European competi­tion-ah vawi khat chiah an la inhmachhawn a, kum 2008-09 UEFA Cup group stage kha niin England-ah 0-0 in an inhnehtawk.

Manchester City-in an club chanchina a vawi khat nan quar­terfinal an inhlangkai a, last 16 paltlang turin Dynamo Kiev chu khualmualah 3-1 in an hneh a, Etihad Stadium-ah goal awmloin inhnehtawk pui mah se an tlang chiang tho.

European Cup tih ṭhin chu kum 1992 khan Champions League tia thlak a ni a, hemi hnuah hian English club pasarihin quarterfinal an lut tawh. City hma hian Arsenal, Tottenham, Leeds United, Liver­pool, Manchester United leh Chelsea-ten English club zingah quarterfinal an lo lut tawh a ni.

PSG hian last 16-ah Premier League champion Chelsea chu 4-2 in an hneh. Tun dinhmunah Blues hi league table-ah 10-naah an awm phak ṭawk avangin kum 2003 a Roman Abramovich-a'n a lei hnua a vawi khat nan season tharah chuan Champions League an khel dawn lo.

Kum 2011-a Qatar Sports Investments-in PSG neitu nih­na an neih pumhlum hnuah semi­final an la lut bik lo a, Laurent Blanc-a nauten dai ngai loh ram dai turin hun ṭha an nei.

Hart a dam

Manchester City keeper Joe Hart chuan nimin zing khan training a zawm tawh a, England keeper hian Manchester United an hneh loh ṭuma a chawnah hliam a tawrh avangin kartawpa Bournemouth an hneh ṭumin a inlan lo. City hian Champions League khel tur zingah senior player Richard Wright an ziah telh loh avangin kum 20-a upa Angus Gunn chu squad a tel tura ngaih a ni hman a, chuvangin Hart-a dam hi City tan result lawmawm a ni.

City midfielder Yaya Toure chu a khup hliam vangin training ṭantirh minute 15 chhung chu a inlan lo a, Ivory Coast mid­fiel­der dinhmun a chiang lo. Captain Vincent Kompany (chawn) leh Raheem Sterling
(ṭhal) te an la inlan thei dawn lo a, Fabian Delph erawh chhawr theih zingah a awm ang.

Chile manager Pellegrini hian tlar­hnungah kum 2014 August thlaa pound mak­taduai 42 zeta an lakluh Eliaquim Mangala a chhawrin a rinawm. Kevin De Bruyne leh Samir Nasri te an dam tawh thung a, anni pahnih hi an match hnuhnung berah pawh an inlan leh thei tawh a ni.

Hetihlai hian PSG pawhin wing back Serge Aurier chu hrem vangin an chhawr thei dawn lo a, Marco Veratti leh Javier Pastore an dam ṭan tawh a, Blaise Matuidi pawh a inlan theih beisei a ni.

Tute nge inlan ang?

French manager Blanc-a'n Chelsea an hneh ṭuma stating eleven ngai a hman rin a ni a, Trapp – Maxwell, David Luiz, Thiago Silva, Marquinhos – Matuidi, Motta, Rabiot – Di Maria, Cavani, Ibrahimovic te inlan tura ngaih a ni.

City tan hian Hart – Zabaleta, Otamendi, Mangala, Clichy – Toure, Fernandinho – David Silva, De Bruyne, Navas – Aguero te an inlanin a rinawm bawk.