Vawiinah Neroca FC leh LoneStar

I League Second Division final round chu Manipur-ah khelh chhun-zawm zel a ni a, vawiin tlai dar 2:00 hian Khuman Lampak Main Stadium-ah Manipur club Neroca FC leh LoneStar Kashmir FC te an inkhel ang.

Neroca hian an match hmasa berah Punjab club Minerva Academy FC goal awm loin draw mah se Dempo SC an hneh avangin vawi hnih khelhah hmahruaitu an ni. Neroca player ṭhahnem tak hian Santosh Trophy Qualifier-ah khan Manipur tan an inlan.

LoneStar Kashmir hian an match hmasa berah Mohammedan Sporting an hneh lo a, Gangtok Himalayan draw lehin point khat chauh an la hmu. LoneStar hi nikum I League Second Division khan pahnihna an ni a, Aizawl FC leh Chanmari FC nen an inel tawk hle. Kuminah Mizoram aṭangin I League Second Division khel club an awm lo.