World Twenty20 2016 Team of the tournament-ah Kohli

International Cricket Council chuan India rama khelh zawh tak World Twenty20 team of the tournament-a puang a, Indian player zingah Virat Kohli leh Ashish Nehra-te an lang.

Player of the tournament hiala thlan tawh Kohli hi captain-ah ruat a ni a, Delhi tlangval hian inelna neih a nih chhungin match ngaah run 273 lai a hlap chhuak thei a ni.

Kum 36-a upa Ashish Nehra hian match nga a khelhah over 19 vawmin run 113 chiah a pe a, wicket nga lain bowler naupang zawkte tan a ṭangkai hle.

World T20 finalist England-in player pali thawhin an thawh hnem ber a, Jason Roy, Joe Root, Jos Buttler leh David Willey-te chu World T20 XI-ah hian an lang a ni.

Champion nomawi chawitu West Indies-in champion nichungin player pahnih chiah an thawh thei a, an player pahnih hi Andre Russell leh Samuel Badree-te an ni. Windies player thawh tlem chhan hi an player zingah khel ṭha tluang an tlem vang niin a lang.

ICC team of the tournament: Jason Roy (England), Quinton de Kock (South Africa, wicket-keeper), Virat Kohli (India, captain), Joe Root (England), Jos Buttler (England), Shane Watson (Australia), Andre Russell (West Indies), Mitchell Santner (New Zealand), David Willey (England), Samuel Badree (West Indies), Ashish Nehra (India). 12th man: Mustafizur Rahman (Bangladesh)