Pakistan captain aṭangin Afridi a bâng

Wolrd Twenty20 2016 Super 10 aṭanga an tlak avangin Pakistan captain Shahid Afridi chu T20 captain a nihna aṭangin a inhnukdawk. Kum 2009 champion Pakistan hian an match hmasa berah Bangladesh hneh mah se New Zealand, Australia leh India hneh loin an mualpho.

T20 internationals-a wicket 97 laa wicket la hnem ber ni mek Afridi hian World T20 zawhah international cricket chawlh-san a tum thu a sawi a, mah se inkhelh zel thlangin T20 captain a nihna aṭang chauhin a inhnukdawk.

Afridi chuan, "Pakis-tan leh khawvel hmun hrang hranga ka fan-te hnenah Pakistan T20 captain ka nihna aṭanga ka chawlh thu hi ka puang a, kan ram leh league cricket tan erawh ka khelh chhunzawm zel ang," tiin thuchhuah a siam a ni.

Hetihlai hian Super 10 aṭanga an tlak chhana captain Afridi puhtu Pakistan coach Waqar Younis chuan a contract-ah thla thum dang hun la nei mah se a hna aṭanga a chawlh thu a puang ve nghal bawk a, Afridi chu mimal taka a beih loh thu leh thudik chauh a sawi thu a sawi lang nghal.