Gbamin a chawl rei dawn

30th May, 2020

Everton midfielder Jean-Philippe Gbamin chu Ningani khan club training-na hmunah a inhliam a, a ke artui hliam vang hian a rei lo berah pawh thla ruk chhung vel tal chu a chawlh a ngai dawn.

Kum 24 mi Gbamin hian nipui bazar hmasa khan German club Mainz aṭangin Everton hi pound maktaduai 25-in a zawm, English club a zawm tirhah pawh hliam vangin a lo buai tawh a, Premier League match vawi khatah chiah inkhel bul a la ṭan.

Ivory Coast interna-tional hian tun kartir lam khan a dam ṭhat thu leh EPL club tana khelh a chak tawh thu a sawi. Mahse tunah erawh hliam na tak a tuar leh ta a, tun season bakah season thartir lamah pawh a inlan thei dawn lo.