Boruak sang hi nuam kan ti - Schmeichel

Leicester City keeper Kasper Schmeichel chuan Premier League champion tuma inum boruak sang chuan a tih chiai loh thu leh nuam an tih zawk thu a sawi.

Nikum khan Foxes hian league-ah point 41 hmuin relegation aṭangin point sarih chiahin an him. Kuminah erawh champion an inbeisei ta!

League match hnu-hnung vawi 15 aṭanga clean sheets vawi 10 nei thei Schmeichel chuan, "Season hmasa kha chuan kan relegate loh nan kan bei hram hram kha a ni a, tuna kan dinhmun nen chuan a inang lo hle. Nomawi inchuha inum boruak sang hian min ti buai lo a, kan tan chuan a nuam zawk," a ti.

Denmark international goalkeeper hi kum 2014-a Leicester City-in Cham-pionship title an lak theih nan player pawimawh a lo ni tawh bawk.