Kouyate hrem dawn lo

West Ham midfielder Cheikhou Kouyate chu Crystal Palace nen an inkhelh ṭumin hnawh-chhuah a ni a, match thum khel thei lo tura hrem tur ni mah se thil a ti sual lo nia ngaiin Football Association chuan a chungah hremna a lekkawh dawn lo.

Inrinni zan Premier League inkhelah West Ham leh Crystal Palace 2-2 a an inhnehtawk ṭum-in minute 66-naah Dwight Gayle laka a foul vangin hnawhchhuah a ni.

Inkhelh banah West Ham manager Slaven Bilic chuan football hre--thiam ve tan chuan Kou-yate chu red card mai bakah yellow card pawh pek awm a nih loh thu leh England-ah phei chuan foul pawh a ni lo zawk hial ang tiin a lo sawisel tawh.

Kum 27-a upa Kou-yate hian West Ham tan tun season-ah match 27 a khel tawh a, season thara Champions League khelh an beisei theih nana tha thawhhlawk berte zinga mi a ni. Inrinnini tlaia Arsenal an mikhual hunah a inlan thei tur hi Hammers tan chan-chin lawmawm a ni ngei ang.