Match 4 khel lo tur Higuain

Gonzalo Higuain chu match li chhung inkhel thei lo tura hrem a ni a, Serie A title inchuh boruak san lai takin Verona, Inter Milan, Bologna leh AS Roma a hmachhawn thei dawn lo niin a lang.

Argentina interna-tional hi Pathianni zana Udinese 3-1 a an hneh loh ṭumin hnawhchhuah a ni a, Napoli striker hi red card a hmuh vanga insum zo loin refree awmah a nam bakah khelmual a chhuahsan dawnin nasa takin a lungawi loh zia a lan tir zui bawk.

Napoli ukil Mattia Grassani chuan Higuain hremna hi an khin let tur thu sawi mah se karleh hma chuan hma an lak theih dawn loh avangin khinglet hlawhtling thei dawn pawh ni se an striker hian tun kar tawpa an hmachhawn tur Verona chu a hmachhawn dawn lo tih a chiang tawh.

Tun season Serie A match 31 khelh tawh a-ṭangin Napoli hian point 67 hmuin hmahruaitu Juventus chu point rukin an phak lo mek a, match sarih chiah khelh hmabak a awm tawh avangin nomawi inchuh boruak a sang chho hle.

Napoli coach Mauri-zio Sarri chu na taka match officials a sawisel avangin match khat chhung a team enkawl thei lo tura hrem a ni bawk.