Armed Veng leh Dinthar chak

Nimin khan 9th Inter Branch YMA Cricket Tournament chu khelh chhunzawm leh a ni a, Armed Veng leh Dinthar ten hnehna an chang.

Republic Veng khel-muala inkhel hmasa zawkah Armed Veng chuan bat hmasain over 20 chhungin run 102 an siam a, wicket 10 an hloh. Bawngkawn lam tan an target hi sang viauin lang lo mah se over 19.5-ah run 95 siamin an out fai vek avangin Armed Vengin run 7-in hnehna an chang.

Armed Veng tan hian Malsawmkima Fanai chuan half century siamin an veng tan a thawh hlawk hle a, H. Lalchhuanawma leh Lalramhlimpuia te chuan wicket 2 ve ve an la bawk.

Inkhel hnuhnung zawkah Maubawk in vaw hmasain Lalhumhima'n run 36 a vaw chhuak a, over 16.6-ah run 103 an siam. Dinthar hian harsatna tawk loin an target hi over 12.3 lekah wicket pathum chiah hlohin an umpha der a ni.