Agent hlawha hmang hnem Schalke

German Football Federation leh German Football League-in a tarchhuah danin transfer hnuhnung pahniha player agent hlawha hmang hnem ber chu Schalke an ni.

Schalke hian March 15, 2015 leh March 15, 2016 inkar khan agent hlawhah euro maktaduai 16.9 zet an seng a, German club lian Bayern Munich (£13.3m), Borussia Dortmund (£12.6m) leh Wolfsburg (£10.3m) te aiin an hmang tam zawk. Schalke hi Bundesliga table-ah pasarihnaah an awm mek.

Bundesliga club zingah Darm-stadt chiahin agent hlawhah euro maktaduai khat an hmang tling lo a, kaithar Darmstadt hian €761,000 chiah an hmang. 2. Bundesliga (second tier)-ah Leipzig chuan agent manah euro maktaduai 4.2 zet an hmang a, an division-ah pawisa hmang tam ber niin euro maktaduai 2.5 hmangtu SC Freiburg in an dawt.