2nd Div hmahruaitu Neroca FC

Nimin tlai khan I League 2nd division final round-ah inkhel pakhat a awm a, Neroca FC chuan an hmahruaina chhunzawm turin LoneStar Kashmir FC chu 2-1 in an hneh.

Manipuri club tan Nigerian striker Chinedu Ejiogu Emmanuel chuan goal hnih a khung a, Kashmir club tan Syed Shoaib Ahmed chuan minute 80-naah goal khat khung ve mah se an si phurh sut turin hun a tam tawk tawh lo a, Neroca-in 2-1 in hnehna an chang ta a ni.

Vawiinah inkhel pahnih a awm dawn a, tlai dar 2:00-ah Gangtok Himalayan SC leh Minerva Academy a3:00-ah I League lamah pawh tawnhriat lo ngah tawh tak Mohammedan Sporting leh Dempo-te an inhmachhawn ve leh ang.