Vawiin aṭangin India vs England

India leh England chuan vawiin chawhma dar 9:30 aṭangin Test match vawi nga an khelh tura hmasa ber an khel dawn. First Test hi Rajiv Gandhi International Stadium, Hyderabad-ah khelh a ni ang.

England tana first Test khel tur player 11 an tichiang tawh a, chungte chu Zak Crawley, Ben Duckett, Ollie Pope, Joe Root, Jonny Bairstow, Ben Stokes (C), Ben Foakes, Rehan Ahmed, Tom Hartley, Mark Wood leh Jack Leach te an ni.

Three Lions hian mak takin match hmasa ber turah hian James Anderson an tel lo a, spinner pathum Jack Leach, Rehan Ahmed leh Tom Hartley te an hmang dawn. Mark Wood chu pace bowler awmchhun a ni ang.

Mimal thil avangin test hmasa pahnihah Virat Kohli a khel thei dawn lo a, a aiah Madhya Pradesh batter Rajat Patidar chu dahluh a ni. India hi captain Rohit Sharma hoin an khel dawn a, mahni muala khel tur an nih bawk avangin chak tura rinkai zawk an ni.