Qatar Open khelh tum Nadal

Khel bawr hliam vanga chawl mek Rafael Nadal chuan Australian Open khel thei lo mah se tennis a la chawlhsan mai lo. Spanish star hian February thlaa khelh tur Qatar Open khelh ngei a tum tih a sawi.

Kum 37 mi Nadal hi hliam vangin a chawl rei ta hle a, nikum Australian Open hnuah a la inkhel leh lo - kuminah inlan ngei tum mah se a hliam vangin a inhnukdawk leh a ni. Ruahman dan chuan Qatar Open hi February 19-24 chhunga khelh a ni ang.

Nadal bakah hian world number 1 hlui Andy Murray leh Russian player ṭha pahnih Daniil Medvedev leh Andrey Rublev te pawh inlan an tum a, player langsar inlan tur an ṭha dawn hle tihna a ni.