Villa-in defender thar an nei

Aston Villa chuan Red Star Belgrade aṭangin defender Kosta Nedeljkovic an la lut a, a man zat hi tarlan ni chiah lo mah se pound maktaduai 6.5 vel nia ngaih a ni - a contract rei zawng pawh tarlan a ni lo.

Mahse, kum 18 mi defender hian Villa Park a pan nghal mai dawn lo a, season tawp thleng chu Red Star Belgrade-ah hian hun a hmang leh phawt ang. Serbian defender hian August thla khan Red Star tan a professional match hmasa ber a khel ve chauh a, tun season-ah match 12 a khel tawh.

Hemi hma hian an ram second division club Graficar-ah loan-in a lo khel tawh a, age level-ah ram tan Under-17, U18 leh U19-ah te a khel tawh a, senior team tan erawh a la inlan lo thung.