Zaninah Bournemouth vs Swansea City

FA Cup fourth round chu zanin aṭangin khelh ṭan a ni dawn. Premier League club AFC Bournemouth-in zanin dar 1:15 hian Swansea City an mikhual ang.

Bournemouth hian an match hnuhnung berah Mohammed Salah, Wataru Endo, Andrew Robertson leh Trent Alexander-Arnold te tel lohna Liverpool chu 4-0 ngawtin an hneh lo.

Chutihrualin zaninah erawh Cherries hi Premier League club an nih miau avangin a buk rit zawk an ni dawn a, an khingpui tur Swansea City hi chu Championship-a 16-naa awm mek an ni.

Swans pawh hian an match hnuhnung berah Southampton 3-1 in an hneh bik lo a, Vitality Stadium-ah insiamṭhat ve ve an tum ang. FA Cup fourth round-ah hian team 32 an la dam. Ipwsich Town hmachhawn tur Maidstone United chu sixth tier-a awm a ni a, Fourth round lut chinah division awmna hniam ber an ni.