Chawhnu dar 2-ah Kolasib Vs Champhai

PMJVK Inter District Junior Boys Football Championship final chu vawiin chawhnu dar 2:00 hian RG Stadium-ah khelh a ni dawn a, Kolasib DFA leh Champhai DFA an inkhel ang. Final hi RG Stadium-a khelh tur a ni a, sports minister Lalnghinglova Hmar chu khuallian a ni ang.

Final hi LPS YouTube channel kaltlangin a en theih a, Kolasib leh Champhai inkhel hi a hmuhnawm dawn. Kolasib hian inelna thlengtu Aizawl an hneh thei a, Champhai hian semifinal-ah goal li tehmeuh an la khung. Final ṭha mi tiin a sawi theih.

Kolasib hian knockout stage-ah ṭum hnih ngawt penalty shootout hmangin an chak a, final-ah pawh goalkeeper Lallawmzuala hi a pawimawh leh ang. Chutihrualin team tan Brett VL Malsawmhlua a ṭangkai ṭhin viau bawk.

Champhaiin ṭum hnih ngawt hattrick siam tawh Lalrammawipuia an kawl a, ani hian match tinah goal la khung vekin goal riat a khung tawh. Kolasib goalkeeper Lawmzuala hmaah Lalrammawipuia fiahin a awm ang.