Bayern an chak hram

Bundesliga nomawi beiseina chhi nung turin Bayern Munich-in an mamawh point thum an hlawh chhuak. Allianz Arena-a inkhelah Bavarians-in inkhel thunun mah se Union Berlin lakah goal khat chauh an khung a, 1-0 in an chak. Nilaini zan inkhelah hian Raphaël Guerreiro-a'n goal awmchhun a khung a, Bavarians-in hmahruaitu Bayer Leverkusen an phak lohna chu point ngain an la pha lo.

Bayern-in nung takin bul an ṭan a, corner kick hmangin an hlauhawm nghal. Matthijs de Ligt leh Dayot Upamecano te hmangin mikhual team an rum ṭhaih.

Kingsley Coman-a'n keeper hna a siam a, French winger hi vannei ni se first half-ah goal hnih khung thei a ni. Leroy Sane, Leon Goretzka leh Jamal Musiala te pawhin chance ṭha an nei a, Harry Kane erawh a reh thung.

Second half ṭan chiahah Kane a rawn lang a, England captain-in goal ban a pet per a, hemi per hi Guerreiro-a'n chiang zetin a pet goal. Kane pawhin goal khungah a inngai a, mah se ball pettu Sane a offside vangin VAR hmanga ennawn hnuah pawm a ni lo.

Bayern-in inkhel an thunun a, chance pawh an ngah. Mahse, goal an khung belh loh avangin entu mipui nuamsain a awm thei lo. Union Berlin pawhin si phurh sutna remchang an nei a, Jérôme Roussillon pet chu ṭha takin Manuel Neuer-a'n a dan bakah referee-in penalty beisei Kevin Behrens beiseina a tihlawhtling lo.

Bavarians player thar Eric Dier pawh second half ṭan chiahah a rawn lut nghal a, goal an chhuah loh avangin English defender hian a hna a thawkah a ngaih theih. Bayern hian tunkar tawp hian Augsburg an tlawh ang.