Final khel tur Bopanna

Rohan Bopanna leh a ṭanpui Matthew Ebden te chuan Australian Open mipa doubles final an lut a, vawiin hian Italian tlangval pahnih Simone Bolelli leh Andrea Vavassori te inkawp nen nomawi an inchuh ang.

Melbourne Park-a inkhelah seeded pahnihna Bopanna leh Ebden-a te hian Tomas Machac leh Zhizhen Zhang te ṭangdun chu 6-3, 7-6 (10-7) a hnehin final hi an lut a, final an luh avang hian ranking chhuak tharah world number 1 an ni dawn.

Kum 43 mi Bopanna hi tunah chuan mipa doubes huangah world number 3 a ni mek a, ranking chuak thara number 1 a nih chuan a chung bera awm thei upa ber record a siam nghal dawn a ni.

India tlangval Bopanna chuan, "Ebden nen hian kan inkawp rem rem a, mimal tih ṭhat chauh a tawk loh avangin kan pahniha khelh ṭhat hi a pawimawh zel a ni. Final kalkawngah harsatna tam tak kan paltlang, a tawpa fiahna hautak ber pawh paltlang kan tum ang," a ti.