Hmeichhe hmasawnna tur zirho

FOCUS Mizoram leh All Mizoram Women Federation chuan nimin khan Hyve City Hall-ah hmeichhiate tih­hma­sawnna chung­chang zirhona an buatsaih.

'Breaking Barriers: Promoting Women's Participation' tih thupui zirhonaa sawi hawnna hun hmangtu Lalengzami Haulai, FOCUS state project director chuan, zirhona buatsaih chhan chu, mipa leh hmeichhe intluktlanna chungchang inzirtir leh hmeichhiate kawng hrang hrangah a tam thei ang ber an tel ve theihna tura inzirtir a nih thu a sawi.

Zirhonaah hian All Mizoram Women’s Federation member - Lai Women Federation, Mara Chano Py, Chakma Mahila Samiti, Women With Purpose in Mizoram, Mahni Thlai Thar Zuar Pawl, Mizoram Mahila Sanghatham aiawhte an tel a; Dr T Vanlaltlani, Prof. Lalneihzovi leh Rev.Dr RL Hnuni ten thupui an sawi a ni.