AO-ah Bopanna-a'n nomawi la beisei

Australian Open men's doubles-ah Indian star Rohan Bopanna leh Matthew Ebden ten final an lut a, vawiin tlai hian Rod Laver Arena-ah Italian duo Simone Bolelli leh Andrea Vavassori te nen an inhmachhawn dawn. Inkhelh hun hi dar 3:15 bawr vel tur a ni a, a hmaa inkhelh rei dan a zirin a danglam thei bawk.

Bopanna hi kum 43 mi a ni tawh a, doubles-ah kher chuan khawvela player langsar a ni pha. Mipa doubles-ah grand slam nomawi a la chawi lo a, tun hi a tan hun ṭha a ni.

Bangalore-a cheng Bopanna hi US Open-ah mipa doubles-ah ṭum hnih final lut mah se a vanduai ve ve a, Wembledon-ah ṭum thum semifinal-ah a vanduai zawkah a ṭang. French Open-ah semifinal-ah a chak loh zawkah a ṭang tawh bawk.

Tun ṭum hi Bopanna-a'n Australian Open mipa doubles final a vawi khat thlenna a ni a, a kawppui Ebden nen seeded pahnihna an nih bawk avangin champion-na hun a inhawng zau hle.