Inter Dist Junior Boys Football champion Champhai

PMJVK Inter District Junior Boys Football Championship final chu nimin khan RG Stadium, Mualpuiah khelh a ni a, Champhai DFA leh Kolasib DFA te hun pangngaiah 1-1 in an inhnehtawk. Extra time-ah goal a lut tawh lo a, penalty shootout-ah Champhai DFA 5-4 in an vannei ta zawk.

Final-ah team pahnih an intluk tawk a, Kolasib captain Brett VL Malsawmhlua'n freekick aṭanga a ball hmuh chu ṭha zetin a tauh lut. Minute 10 hnuah Joel Zorintluanga'n box chhungah rilru fim a hmang a, ṭha zetin Champhai siphurh sutna goal a khung.

Minute 120 chhungin chak zawk an awm lo a, penalty shootout-ah Kolasib dinhmun a ṭha hmasa zawk. Goalkeeper Lallawmzuala'n penalty a dang hmasa a, Kolasib hi final thleng tura ṭum hnih penalty shootout-a chak an ni. Mahse, Champhai an beidawng lo a, sudden death-ah 5-4 in an vannei ta zawk.