Newcastle engtin nge an kal zel dawn?

Newcastle United-in Eddie Howe-a hnuaiah season liam ta khan ṭha takin an khel a, tun season-ah erawh beisei an pha lo. Premier League-ah champion beiseina a bo tawh a; Champions League leh League Cup-ah an tla tawh. FA Cup-ah chiah Magpies-in nomawi an beisei thei tawh a, zanin dar 12:30 hian Craven Cottage-ah Fulham an hmachhawn ang.

Khelmual chhunga Newcastle buaina belhchhah turin an player pawimawh Kieran Trippier chu German club Bayern Munich-in lakluh tumin an rawn dawr. Magpies hian Bavarians dilna hmasa euro maktaduai 15 chu an hnawl tawh a, mah se German club hian dawr chhunzawm a la tum.

Newcastle hi hliam vangin an buai mek bawk a, vawi li ngawt an chak loh zawn tawh avangin insiamṭhat an mamawh hle. Fulham an hmachhawn hunah Trippier a awm ngei a rinawm a, tlarhmaah Alexander Isak-a'n hmun pawimawh a chang ang.

Fulham pawhin tun hnaiah result duhawm an nei bik lo a, League Cup semifinal-ah Liverpool an hneh lo a, league match hnuhnung berah Chelsea an hneh lo bawk.