Real leh Mbappe bawk!

Football thlasik bazar hunlai a ni a, hetih lai hian Real Madrid leh Kylian Mbappe te chu nipui bazar atan an indawr tih thawm a awm leh der tawh - Spanish team lian leh France captain te hi khawthlang chanchinbu mite chawi tui an ni mek.

Mbappe hian Real Madrid zawm a duh a, a tum tawh bawk. Mahse, rin loh tak maiin Paris Saint Germain tan a contract a pawtsei ta zawk a nih kha, a contract neih lai hi tun season tawp rualin a zo dawn - a hma hun a inrinsiak leh mek tawh a ni.

PSG star Mbappe hian a duh a nih chuan January 1 aṭang khan club dang a dawr thei tawh. ESPN-in an tarlan dan chuan PSG-ah Mabppe hian season khatah euro maktaduai 37 a hlawh mek, tuna a hlawh ang zat hi Real Madrid chuan hlawh tir an inhuam.

Real Madrid player ni lai zingah Vinícius Júnior leh Jude Bellingham te hi a hlawh tam niin, kum khatah euro maktaduai 10,5 leh 11.4 an hlawh. Mbappe hi a hlawh pangngai ang hlawh turin lalut pawh ni se a hlawh hnem fal dawn hle tihna a ni.

Tunah chuan Mabppe hian PSG lo chu ngaihtuah dang a neih loh thu a sawi thung. Tun season inelna hrang hranga goal 28 khung tawhtu hian Pathianni zan dar 1:15 hian PSG tan Brest a hmachhawn ang.