Asian Cup 2023 - A ruh no no chhuakah

Asian Cup 2023 last 16 chu nizan aṭang khan khelh ṭan a ni a, vawiinah chhunzawm a ni dawn. Tlai dar 5:00-ah Iraq leh Jordan te Al Rayyan-ah an inkhel dawn a, zan dar 9:30-ah inelna thlengtu Qatar leh Palestine te an inkhel ang.

Iraq hian Jordan nena an inkhelh hnuhnung pangaah chak loh an nei lo a, mahse tun ṭumah pawh an buk a rit zawk. Jesus Casas kaihhruai Iraq hi Japan awmna group-a an awm chungin an chak vek a, chutihrualin match thum an khelhah goal riat khung mah se match tinah goal an chhuah vek. Knockout stage chinah tlarhnung phui lo hi a pawi thei ang.

Jordan hian pathumna nichungin last 16 an lut a, match hmasa berah Malaysia 4-0 a an sawp bakah South Korea (2-2) lakah point khat hlu tak an hlawh chhuak. Iraq aiin Jordan hian goal khung tlem mah se goal an chhuah tlem zawk.

Qatar hi match tina chak vek an ni a, match thum an khelh tawhah goal an la chhuah lo. Palestine hi pathumna nichunga last 16 lut ni mah se match hnuhnung pahnihah an khel ṭha. Chutihrualin Palestine hian team ṭha Iran 4-1 ngawtain an hneh lo a, Qatar laka hnehna chang turin vanneihna a an mamawh tel ang.