Chelsea leh Villa ten replay khel dawn

FA Cup fourth round-ah Chelsea leh Aston Villa te goal awm loin an inhnehtawk a, Villa Park-ah replay an khelh a ṭul dawn. Stamford Brigde-ah Villa-in bul ṭan ṭha mah se VAR vangin an goal khung pawmsak an ni lo.

January 26, Zirtawpni zan inkhelah Douglas Luiz-a'n minute 12-na lekah goal hmahruai a khungah a inngah a, Moussa Diaby ball pet chu an dan ber hnuah Luiz hian a khung. Mahse, replay hmanga ennawn hnuah ball hian Luiz-a kut a per.

Chelsea an insiamrem a, chance ṭhahnem tak an nei. Cole Palmer-a'n chance ṭha bik a hlah a, Noni Madueke pawhin goalkeeper Emiliano Martínez a paltlang thei lo.

Minute 90 chhungin goal a lut lo a, replay khelh a ṭul phah dawn. Inkhelh banah Unai Emery chuan, "Champion rinkai nih phak kan duh," tiin FA Cup an ngaih pawimawh thu a sawi a; goalkeeper Martinez pawhin, "Season ṭha tak kan hmang a, kum tawpah fan-te lawmna siam kan duh," tiin fan-te tana champion an duh thu a sawi ve bawk.