Luton Town-in FA Cup aṭangin Everton an pet tla

FA Cup fourth round-ah Luton Town-in Goodison Park-ah mualneitu Everton 2-1 in an hneh. Luton hian Toffees defender defender Vitaliy Mykolenko-a'n an lama a tihluh hmangin hma an hruai a, goal luh theih nan hian Everton player hlui Ross Barkley a thlawh hlawk.

Everton hian Jack Harrison hmangin minute 55-naah siphurh an sut a, goalkeeper Tim Krul-a'n a hna a thawk tawk lo. Injury time-ah pawh minute ruknaah substitute Cauley Woodrow-a'n Luton chakna goal a khung a, Everton tan sutna hun a awm tawh lo.

Inkhelh banah Woodrow chuan, "Dik taka sawi chuan thil thlen dan kha hriat mang ka nei tawh lo. Goal ka khung lohna a rei tawh avangin goal ka khung kha ka lawm a, min ṭantute thawm a ṭha bawk," tiin a sawi.