Mizoram medal hlawh chhuak ta lo

Khelo India Youth Games 2023 hmeichhe hockey-ah Mizoramin nimin khan Odisha nen bronze medal an inchuh a, 3-2 in an chak lo.

Mayor Radhakrishnan Stadium, Chennai-a inkhelah Mizoram tana Lalrinpuii leh Lalthantluangi te goal khung a tawk lo a, palinaah an lungawi a ṭul.

Mizoram hian group stage-ah Madhya Pradesh hneh loin bul ṭan mah se Tamil Nadu (7-0) an sawp hnuah Chattisgarh chu 3-1 in an hneh a, semifinal an lut. Final khel tur zawnnah Mizoramin Hayrana 7-4 in an hneh lo a, bronze medal inchuhnaah an vanduai zui.

Mizoram hmeichhe hockey team hi manager R. Lalnunmawii leh coach Lalroṭhuami ten an hruai a, player tam zawk hi SAI Hockey Centre, Thenzawl-a inzir an ni.

Tun ṭum Khelo India Youth Games-ah hian Mizoram an che ṭha tawk lo a; hockey bakah basektball leh judo-ah medal an hlawh chhuak lo. Boxing-ah Mizoramin boxer pali an tir a, 60 kg-a Chuhvel tleirawl Rebecca Lalfakawmi bronze medal hlawhchhuah chu Mizoram medal lak chhun a la ni.