Zela a champion

Mizoram Snooker & Billiards Association (MSBA) buatsaih - Mizoram State 6 Red Snooker Ranking 2024 chu Inrinni tlai khan zawhfel a ni a, Lalsangzela, Khatla South a champion.

Player 28 telna Mizoram State 6 Red Snooker Ranking Tournament 2024-ah hian Zela hnungah Zonuntluanga (Tekawka), Electric Veng chu pahnihna a ni.

MSBA buatsaih Mizoram State 6 Red Snooker Ranking Tournament hi Mizoram State Sports Council (MSSC) in an sponsor niin, MSBA Hall, Hawla Indoor Stadium, Republic Vengthlang-ah khelh a ni.

MSBA Hall-ah hian Pool leh Snooker table ṭhahnem tak a awm a, hetiang lama tuite tan Pathianni tih loh ni tin chawhnu dar 1:00 aṭanga zan dar 9:00 thleng an hawng ṭhin a. Ni khatah Rs 50 lek chawiin a inkhelh theih a ni.