Clippers tana rinawm Paul George

Paul George chuan NBA team ṭha Los Angeles Clippers jersey ha chunga basketball chawlhsan a duh zia chu a takin a lantir a, a club khelh mekna tan hian kum li daih contract a ziak thar.

Kum 30 George leh Clippers inremna hu US dollar maktaduai 190 hu a hlu a ni a, a contract a hman zawh meuh chuan kum 34 a tlin tawh dawn avangin club dang a melh a rinawm tawh lo. An inremnaah hian a contract hi kum khat atana pawh sei theih a la ni bawk.

NBA All-Star a vawi ruk tel thei George chuan, "He hmunah hian kei bakah ka chhungte an cheng, hetiang hmuna hun rei tak ka inkhel zel thei tur hi ka tan chuan duhthusam a ni," tiin a sawi.

Season hmasa khan George hian chawlhrualin match tin point 21.5, assist 3.9 bakah rebound 5.7 la ziah ang a ni. A team hi NBA playoff a khelh pui a, mahse vanduai thlak takin second round-ah Denver Nuggets 3-1 in an ngam lo.