SAFF U19 C'ship khel tur Cindy

Mizoram Police coach Lalbiaksanga Colney fanu Cindy Remruatpuii Colney chu SAFF U19 Women’s Championship 2024 khel tur zingah koh a ni. Inelna hi Dhaka, Bangladesh-ah February 2-8, 2024 chhung hian khelh tur a ni a, India team hi head coach Sukla Dutta hnuaiah an khel ang.

Cindy hi Indian Women's League-ah East Bengal tan a khel mek a, Kolkata club-ah hian player pawimawh a ni pha. Armed Veng tleirawl Cindy hi centre midfielder a ni a, India Under 17 tan pawh khel tawhin Bangladesh, Indonesia leh Russia-a an zin ṭumin bul ṭantu zingah a tel thei zel.

SAFF U19 Women’s Championship-ah hian India hian match hmasa berah Bhutan (Feb 2) an hmachhawn ang a, hemi zawh hian Bangladesh (Feb 4) leh Nepal (Feb 6) te an hmachhawn leh ang. Team pali India, Bhutan, Bangladesh leh Nepal te hi vawi khat ṭheuh an inkhelh kual hnua a sang pahnihin final an khel ang.

India Squad

Goalkeepers: Khushi Kumari, Anika Devi Sharubam, Hempriya Seram

Defenders: Heena Khatun, Vikshit Bara, Sonibia Devi Irom, Juhi Singh, Nishima Kumari

Midfielders: Shivani Toppo, Lalita Boypai, Akhila Rajan, Rivka Ramji, Arina Devi Nameirakpam, Cindy Remruatpuii Colney, Menaka Devi Lourembam, Sibani Devi Nongmeikapam, Thoibisana Chanu Toijam

Forwards: Babita Kumari, Nitu Linda, Sulanjana Raul, Neha, Pooja, Sahena TH

Head Coach: Sukla Dutta