Crystal Palace-in Munoz an la

Crystal Palace chuan Colombia right back Daniel Munoz chu Genk aṭangin euro maktaduai riat (£6.8m) in an lalut a, kum thum chhung atan contract ziahpuiin kum khat pawhsei theih dan a awm bawk.

Kum 27 mi Munoz hian kum 2020 khan Belgium hi a pan a, season khatnaah Belgian Cup a chawipui nghal. Kum 2021 aṭangin Munoz hian ram tan a khel ṭan a, ram tan vawi 23 inlan tawh a ni.

Khawthlang media ṭhenkhat chuan Munoz hian Premier League club a zawm theih nan hian Genk-ah training pawh a zawm duh lo, niin an tarlang. Thudik a nih chuan Munoz hian a tum a hlawhtling a, English club tan a khel dawn ta.