Wrestling-ah medal la lo

Khelo India Youth Games-ah Mizoramin wrestling-ah wrestler pathum an tir chhuak a, medal hlawh chhuak an awm lo. Chutihrualin Khelo Youth Games-ah hian a nazawng tel theih a nih loh avangin wrestler pathum thawh theih Mizoram wrestling tan chanchin ṭha a ni pha tho.

Wrestling inelna hi Rajarathinam Stadium, Egmore, Chennai-ah neih a ni a; January 27, Inrinni khan Kolasib Saidan nula Lalngaihsangi chu -46 kg-ah inlanin a tla nghal. January 29, Thawhṭanni khan -51 kg-ah Joseph Vanlnghaka (Kawnpui Hmar Veng) leh -49 kg-ah Deborah Lalrohlui (Kolasib Saidan) te an inlan leh a, anni pawhin first round an paltlang lo.

Mizoram team hi coach C. Lalhmunfela, Maubawkin a ho a, vawiin hian Chennai chhuahsanin Aizawl an rawn pan ang.