Figueiredo-a'n flyweight title a hum

Pathianni khan Las Vegas-ah UFC 256 neih a ni a, UFC flyweight champion Deiveson Figueiredo chuan a 'title' humhim turin Brandon Moreno chu majority-draw hmangin a hneh.

Kum 32 mi Brazilian Figueiredo leh kum 26 mi Mexican Moreno te insual a hmuhnawm a, round nga inbeihna hi round tin a hmuhnawm vek. 

Round thumnaah Figueiredo hian Moreno ṭhalah (kap) a pet a, hemi avang hian referee Jason Herzog chuan Figueiredo hi point khat a paihsak. 

Point paihsak hian result-ah nghawng a nei a, judge pakhatin Figueiredo hi 48-46 in point pe sang mah se judge dang pahnihin 47-47 ve ve point an pe.