Jokic hoin Nuggets an che na

Nikola Jokic-a'n nimin zing khan a thiam thil a lantir a, a chet nat em avangin Doc Rivers-a'n Milwaukee Bucks a enkawl bul ṭannaah an duh loh result an neih tir - Bucks lakah Nuggets hi 113-107 in an chak.

Serbian centre Jokic hian tun season chhunga a vawi 14 nan triple-double a nei. Point 24 a neih bakah rebound vawi 16 lain assist ṭum 12 a nei bawk a, hnehna an chan theih nan a thawh hlawk hle.

Jokic tan triple-double hi thil thar a ni tawh hran lo, basketball inelna ngaihhlut NBA regular season bikah vawi 119 ngawt a nei tawh a, record neih ṭhat lamah palina dinhmun a luah phak hial.